香港新浪網 MySinaBlog
« 上一篇 | 下一篇 »

上集講到我們在 beams 差點走不了。結果我們究竟可不可以唔需要買條裙都可順利逃脫呢?未講結果前首先要澄清一件事:老婆睇完上篇文後,話我記性差:原來條裙唔係四千蚊,而係折後六千(港幣)!!

結果是,對住呢個 price tag,老婆作了一輪理性的思考(which is 不常在購物過程時會出現的東西),發覺這個價錢比我們今次的機票加三晚帝國酒店的 per head 收費更貴!想到呢度,我老婆終於決定將條裙既樣子牢牢記於腦中,用記憶去「擁有」這條裙算數。

隨著這個漫長掙扎的結束,beams 亦也夠鐘打烊了。而我們亦要趕去吃第二餐晚餐。你冇聽錯,冇錯係同一晚第二餐晚餐。旅行嘛!食多D唔緊要啦,遲D先慢慢減 lu(不過都咪話,到了今時今日,我都未減得番!)(所以下一個大題目可以講下減肥啦!)

Picture呢間餐廳叫「鮨處八千代」。今次有咭片啦,不過係舊咭片,因為以前我去過,食過翻尋味(咭片圖可 click 入放大)。點解會去過?事緣是之前有次來公幹,我同當地的日本客人講話要佢帶我去一間地道的日本菜,咁佢就帶了我黎呢度。佢話呢間野,平時公司請客就唔會帶人黎,但反而自己 family gathering 先會黎。我就話好哇!呢個就係我想搵既所謂「地道」野啦!我地去的是是八千代的總店。另外在其他地方(例如築地市場內Picture)也有幾家分店。食靚野當然要試總店穩陣!

上次日本人車我來,所以對條街既樣其實冇印象。今次再去先知原來出事!這地方真係好地道!話就話在新宿區,但要搭番丸之內線前兩個站「四谷三丁目」,落車仲要行一段黑媽媽的街。咭片背後雖然有地圖,但唔識睇,所以便拿著那咭片去問路。Well,問路呢樣野好得意:我們見到有兩個少女行過,我老婆想問她們,但佢地完全冇反應,當睇我老婆唔到!但當貌似韓星的小舅 take over 再問,那兩名日本少女竟積極到差不多要帶埋我地去!只不過似乎其實她們自己都唔識那地方,所以結果她們最後都係縮沙,由得我地自己繼續去撞。

結果都搵到,不過差不多要行晒十字路口四個 corners 先搵到。坐低叫野食,我地選擇坐 bar 檯,因為唔識講都可手指指。我們對住檯面上那張印有唔同壽司相片的過膠大 poster,不斷篤上面的壽司相片然後舉起三或四隻手指來示意我們的 order。

如是者我們結果吃了拖羅三文甜蝦海膽老虎蝦帶子Kinki魚子劍魚腩蟹子牡丹蝦魷魚……等等等等再加其他四五款不記得或不懂得名字的魚!好似食 buffet、唔使錢咁!但其實當然要錢,而且要續碟計,只不過價錢實在太抵:粗略講大概分三個價,一百二百三百 yen。最貴的海膽都係三百yen,即是大概廿蚊港幣都唔使!但係就超鮮味超好味!而且所有壽司都係咁好味!計落埋單實價九千五百九十 yen,即是六百三十幾港幣!四個人!!呢個價錢包剛才 mention 過每人十數碟的壽司,兩支大 Sapporo,另加兩隻用爐連 shell 燒的「汁燒XX螺」。真是超抵!(沒有影很多相,因為掛住食!)

不過,以我評食的準則,「抵」是一件事,但「好味」價更高!這裡究竟可以有幾好味呢?我都唔識用文字來形容。夾硬要講,可以話:我從這餐後開始再未有食過比這裡更好吃的壽司魚生!我之後去食過幾餐唔同級數的日本菜,包括總店在帝國酒店的香港 Nadaman(香港的兩間分店位於港、九香格里拉),本想重溫一下這一餐的美好回憶,但卻也有點失望而回!當然香港的 Nadaman 的水準已經都很高,但始終不及在日本即席吃那麼新鮮。

講起 Nadaman ,應該是時候預告下一篇的內容:帝國酒店的三餐早餐。因為其中一餐正是在 Nadaman 享用的日式富貴早餐!這早餐打破了我一向以為日式早餐只是乾魚白粥納豆的認知!

下回再續




請到精選文章欄看我其他熱門的文章。 如不想錯過我未來的文章,請按這裡訂閱本站 RSS

[1]

嘩!睇到流口水~~


[引用] | 作者 Carrie | 8th Sep 2006 | [舉報垃圾留言]

[2]

嘩!好豪!好豪呀!


[引用] | 作者 nikita | 8th Sep 2006 | [舉報垃圾留言]

[3]

看你點的食物就知你豪... 6___6"

我今晚都是在八千代總本店吃的。都不算很難找吧... 距離 JR 四谷站和信濃町站是比較遠,但 Tokyo Metro (地鐵) 四谷三町目站出來就很近,找十分鐘就應該可以找到。

今晚的晚餐我也寫在我的 blog 裡了︰

http://10011011000011.spaces.live.com/blog/cns!C8E88D345269D190!746.entry

還有他們的新卡片和 URL。你什麼時候再來日本記得找我,我帶你去試我都覺得不錯的壽司~ ^o^


[引用] | 作者 L | 8th Sep 2006 | [舉報垃圾留言]

[4]

無壓力! 無壓力! 仍然係正~~~ 繼續上旅遊Blog推介~ ^^


[引用] | 作者 Sina editor - Gladys | 11th Sep 2006 | [舉報垃圾留言]

[5] Re: 專業食評
L :
看你點的食物就知你豪... 6___6"
今晚的晚餐我也寫在我的 blog 裡了︰
http://10011011000011.spaces.live.com/blog/cns!C8E88D345269D190!746.entry


嘩,你的食評很專業喎!不過我都唔係豪過你好多jer!


[引用] | 作者 五師兄 | 11th Sep 2006 | [舉報垃圾留言]

[6] Re: 多謝推介!
Sina editor - Gladys :
無壓力! 無壓力! 仍然係正~~~ 繼續上旅遊Blog推介~ ^^
咁我又會努力快D寫下一篇啦!


[引用] | 作者 五師兄 | 11th Sep 2006 | [舉報垃圾留言]

[7] Re:
nikita :
嘩!好豪!好豪呀!
係呀,感覺真係好豪㗎!一萬 yen 四個人食 D 咁豪既野喎!真係好鬼開心㗎!


[引用] | 作者 五師兄 | 11th Sep 2006 | [舉報垃圾留言]

[8] Re: 流口水
Carrie :
嘩!睇到流口水~~
我現在自己再想起都會流口水!


[引用] | 作者 五師兄 | 11th Sep 2006 | [舉報垃圾留言]

[9] Re:
L : 看你點的食物就知你豪... 6___6" 我今晚都是在八千代總本店吃的。都不算很難找吧... 距離 JR 四谷站和信濃町站是比較遠,但 Tokyo Metro (地鐵) 四谷三町目站出來就很近,找十分鐘就應該可以找到。今晚的晚餐我也寫在我的 blog 裡了︰ http://10011011000011.spaces.live.com/blog/cns!C8E88D345269D190!746.entry 還有他們的新卡片和 URL。你什麼時候再來日本記得找我,我帶你去試我都覺得不錯的壽司~ ^o^

五師兄..
too bad, we missed it! 去完東京返嚟至睇到你推介.. emoticon 我print咗張卡片下次會去試吓..

L ..
我同我老頭子成日去東京架(佢出trip)得唔得call你帶我哋去食好嘢吖?emoticon 咔~


[引用] | 作者 餅餅 | 17th Sep 2006 | [舉報垃圾留言]

[10] Re: Re:
餅餅 :
..too bad, we missed it! 去完東京返嚟至睇到你推介..
no problem lar! you said you would go there very often. So you could try next time.

and since you go there that often, you should show us your experience instead!


[引用] | 作者 五師兄 | 17th Sep 2006 | [舉報垃圾留言]

[11] Re: Re: Re:
五師兄 : 餅餅 :..too bad, we missed it! 去完東京返嚟至睇到你推介..no problem lar! you said you would go there very often. So you could try next time. and since you go there that often, you should show us your experience instead!
showing...showing...非常積極整理之中emoticon,awaiting and welcome to your visit 博餅自由角度 emoticon


[引用] | 作者 餅餅 | 19th Sep 2006 | [舉報垃圾留言]